Среднорочните избори во САД им даваат можност на Американците да ја преуредуваат политичката структура на Конгресот на САД во Сенатот и во Претставничкиот дом на секои две години. На 8 ноември, меѓу сите опции за гласање, пет држави ќе имаат шанса да одлучат дали ќе ја легализираат рекреативната употреба на марихуаната.
На последните среднорочни избори во 2020, жителите на Њу Џерси, Аризона и Монтана гласаа за легализирање на марихуаната. Вкупно 19 држави и округот Колумбија дозволуваат рекреативна употреба на марихуаната, а 37 држави го регулираат канабисот за медицински цели.
Јавната поддршка за легализација на канабисот порасна многу во последниве години, а претседателот Џо Бајден неодамна помилува илјадници осуденици кои беа осудени за поседување марихуана. Акциите на производителите и продавачите во Америка скокнаа во четвртокот откако претседателот Џо Бајден презеде извршна акција за промена на американската политика за дрога, помилувајќи ги сите претходни федерални прекршоци за поседување марихуана.
На 8 ноември, гласачите во Арканзас, Мериленд, Мисури, Северна Дакота и Јужна Дакота ќе гласаат за да им се дозволи на возрасните да користат рекреативна марихуана.
Покрај референдумите низ државата, гласачите во одредени места ќе можат одлучат дали да ги декриминализираат законите за поседување марихуана и да дозволат лиценцирани трговци на канабис во нивната област.
Оваа година група во Оклахома собра и доволно потписи за референдум. По долги правни предизвици, државниот Врховен суд одлучи дека нема доволно време прашањето да се стави на гласачкото ливче во ноември. Иницијативата најверојатно ќе оди кај гласачите во 2024 година. Во тек се и референдуми за 2023 или 2024 година во Флорида, Небраска, Вајоминг и Охајо.
