Компанијата „Канаботех“ објави дека во тестирањето, адаптираниот екстракт покажал петпати поголема антиканцерогена ефикасност од оригиналниот екстракт и 100 отсто ги уништува клетките на карцином на панкреасот.
Ботанички лек базиран на екстракт од габа „Cyathus striatus“ и екстракт од канабиноид од растението канабис елиминира 100 отсто од клетките на ракот на панкреасот – релативно селективно и без да ги оштети нормалните клетки, покажа новото истражување.
Габата е предмет на истражување за тестирање на нејзината антиканцерогена ефикасност во лабораторијата на професорот Фуад Фарес на Универзитетот во Хаифа, Израел, веќе осум години и беше избрана како најсоодветен кандидат за развој на лек за рак на панкреасот и дебелото црево откако покажала подобри резултати од другите тестирани габи.
Пред неколку месеци, биомедицинската компанија „Канаботех“ доби глобални и ексклузивни права за користење патенти откриени во истражувањето на професор Фарес и започна да води забрзан процес на развој на ботанички лек како што е дефинирано од американската Администрација за храна и лекови (ФДА).
Голема пресвртница во медицината
Првата пресвртница во процесот на развој на ботаничкиот лек била дефинирана како адаптација на методите за раст и екстракција на габи по протокол на ФДА за развој на ботанички лекови, кој компанијата очекува да биде значително поевтин и пократок од процесот на развој на стандарден етички лек.
Компанијата „Канаботех“ објави дека во тестирањето, адаптираниот екстракт покажал петпати поголема антиканцерогена ефикасност од оригиналниот екстракт и 100 отсто ги уништува клетките на ракот на панкреасот. Во активната концентрација на клетките на ракот на панкреасот не било забележано оштетување на здравите клетки.
Кои се следните чекори?
„Канаботех“ очекува да ја заврши студијата во рок од 12 месеци, до средината на 2023 година. Како што истакнуваат ќе работат на создавање развојна соработка со ФДА.
Како следна пресвртница во процесот на развој на овој револуционерен лек, компанијата планира да го тестира и активниот механизам за уништување на клетките на ракот со екстракти и комбинираната антиканцерогена ефикасност на габата и канабиноидите на животни.
Ракот на панкреасот е познат како еден од најагресивните видови рак, има многу ниска стапка на преживување и е една од најчестите причини за смртност на западот.
„Развивањето ботанички лек е предизвикувачки процес и резултатите што ги постигнавме се вистински показател дека екстрактите се ефикасни и безбедни за употреба како антиканцероген третман за рак на панкреасот. Мораме дополнително да го потврдиме тоа очекување, но имаме голема надеж да им ги соопштиме овие важни вести на пациентите и да развиеме конкретно решение за еден од најагресивните видови на рак“, истакна д-р Иџак Енџел, фармаколошки консултант за „Канаботех“.
Извор: slobodenpecat.mk
