Предлогот на германската влада планира да им дозволи на возрасните граѓани да купат и поседуваат 20 грама канабис за лична употреба како дел од планот за легализација на марихуаната.
Плановите на владејачката коалиција вклучуваат ограничување од 15 отсто на дозволената количина на THC во производите од канабис, или 10 отсто за 18 до 21-годишна возраст, објави медиумската група Redaktionsnetzwerk Deutschland, цитирајќи владин документ. Канабисот автоматски ќе биде предмет на данок на промет, како и посебен данок врз основа на содржината на THC, додаде RND.
Портпаролката на Министерството за здравство рече дека предлог-законот сè уште се дискутира во владините ресори и оти деталите можно е да се знаат наскоро.
Говорејќи пред Долниот дом на парламентот овој месец, министерот за здравство Карл Лаутербах рече дека нацрт-законот за легализација на канабисот ќе се фокусира на заштита на здравјето на луѓето.
„Канабисот треба да се конзумира на начин што ќе ги заштити оние кои го консумираат, а заштитата на здравјето е од најголема важност“, рече Лаутербах пред Бундестагот.
За другите детали од трудот цитиран од RND вклучуваат прочитајте на Kajgana.com
