Јануари 2021 | Нашиот став е дека генерално е потребна декриминализација и легализација на канабисот за рекреативна употреба, вели за „Слободен печат“ Бојан Петровски, претседател на Националниот младински совет на Македонија (НМСМ).
Според претседателот на НМСМ, декриминализацијата е најмногу нужна бидејќи многу млади го користат канабисот само за свои цели, а не за да се впуштаат во криминални активности.
– Многу млади луѓе кривично одговараат за поседување на многу мала количина канабис, кој е само за лична употреба – додава Петровски.
На прашањето што мисли за најавата на властите легализацијата да започне од туристичките места, Петровски одговори оти е подобро тоа да се случи во цела држава.
– Со легализацијата по примерот на многу светски земји докажано се намалува криминалот. Мислам дека тоа треба да се случи во цела држава. Со тоа ќе се спречи и монополизацијата на пазарот – нагласи Петровски.
Извор: SlobodenPecat.mk
